es
eu

Nor gara

David Flores

Gizarte arloko gaien inguruan eztabaida publiko sakona, kritikoa, arduratsua eta errespetuzkoa sustatu nahi duen plaza da Gizadiberri. Gizarte arloan dabiltzan profesionalen, boluntarioen, ikertzaileen, pentsalarien, arduradun publikoen nahiz oro har euskal hiritar denen elkargunea izan asmo du Gizadiberrik.

Plaza honetan gizarte arloko gaiak jorratzen ditugu; albisteak, elkarrizketak, iritziak, erreportajeak eta abar argitaratzen ditugu hainbat euskarritan: webgunean, papereko argitalpenetan eta aurrez aurreko mintegietan. Guztietan ezagutza eta eztabaida pluraltasunez bultzatu nahi ditugu. Horregatik, Gizadiberri irekita dago bertan parte hartu nahi duten guztientzat.

Gure gizartean sortzen diren beharrizanei erantzuteko moduez, premiez, aukerez, baliabideez eta bitartekoez arduratuta gaude. Euskal gizarteak landu eta lortu duen ongizateari eusteko eta etorkizunera begira sakontzeko, hausnarketa, iritzi kritikoa eta eztabaida beharrezko direla uste dugu. Horretan sinesten dugu eta horretarako plaza da Gizadiberri.

Kazetaritza

Poliziatik ihesi, bidean

Poliziatik ihesi, bidean

EKHI ERREMUNDEGI

Hedabide anitzetan agertu zen argazkia urriaren 12an. Hiru gorpu, trenbide gainean, izara zuri batek estaliak. Aljeriako hiru gizon harrapatu zituen trenak, eta laugarren bat larri eraman zuten ospitalera. Migratzaileak laurak; Frantziako Poliziaren kontroletatik ihesi jo zuten trenbidetik. Ez da aurten gertatzen den ezbehar bakarra.

Iritzia

Alzheimerra, lehentasun soziosanitarioa

Alzheimerra, lehentasun soziosanitarioa

Koldo Aulestia

Alzheimerrari heltzea osasun publikoaren lehentasuna eta lehen mailako arazo soziosanitarioa da. XXI. mendeko epidemia isil handia bihurtu da, eta edozein sistema soziosanitarioen iraunkortasunerako erronka handia.