es
eu

Berdintasuna lortzeko bidean

Ainara Arregi

 

Irakurketa Errazaren logoa

Desgaitasuna duten pertsonek askotan zailtasunak izaten dituzte

gizarteko arlo ezberdinetan aritzeko,

eta hori dela eta, diskriminazioa jasaten dute.

Azken urteetan, pausoak eman dira

desgaitasuna duten pertsonak gainerako herritarrak bezala

bizi ahal izan eta eskubide berberak izan ditzaten.

Baina oraindik ere, lan asko egin behar da

diskriminazio horri aurre egiteko. 

 

Hainbat lege daude desgaitasuna arautzen dutenak.

Hala eta guztiz ere, aniztasun funtzionala duten pertsonek

hainbat diskriminazio egoera jasaten dute oraindik ere.

Adibidez, desgaitasuna duten pertsonek

hezkuntza orokorrean parte hartzeko zailtasunak dituzte,

baita enplegu bat lortzeko ere,

komunitatean modu independentean aritzeko,

kirol- eta kultura-jardueretan parte hartzeko,

justiziaren babesa izateko,

mediku-tratamendua aukeratzeko.

Horiek adibide batzuk dira bakarrik.

 

Desgaitasunari buruzko Euskadiko datuak hauek dira:

• Desgaitasuna duten 140 mila pertsona bizi dira Euskadin.

Horietatik, 77 mila gizonezkoak dira

eta 61 mila emakumezkoak dira.

• Herritarren % 6,3ak desgaitasunen bat du.

Horietatik gehienek, % 65eko desgaitasuna baino handiagoa dute.

 

Nerea Melgosa Eusko Jaurlaritzako

Berdintasun, Justizia eta Gizarte Politiketako sailburua da.

Nerea Melgosak 2023ko irailean txosten bat aurkeztu zuen,

desgaitasuna duten pertsonek

bizimodu independentea lortzeko oinarriak azaltzen dituena.

 

Hauek dira txostenaren oinarri batzuk:

• Bizimodu independenterako oinarriak finkatzen jarraitzea.

• Gauza hauek guztiak beste modu batera antolatzea:

azpiegiturak, garraio-sistemak,

zerbitzu publikoak eta pribatuak eta gizarteko jarrerak.

Horrela inklusiboak izan daitezen.

 

Txostenak gainera desgaitasun-egoeran dauden pertsonen

lan-egoera jasotzen du: lanik ez dutenen kopurua % 16,5ekoa da.

Hori biztanleria orokorrarena baino askoz handiagoa da.

Melgosak esan du Euskadiko Gobernuaren betebeharrak direla

sentsibilizazio-jarduerak eta prestakuntza-jarduerak indartzea,

eta desgaitasuna duten pertsonen eskubideak

errespetatzen direla ziurtatzea.

 

Ildo horretan, 2023ko urrian Melgosak parte hartu zuen

"Desgaitasuna duten pertsonen justiziarako sarbidea:

eskubideak, aurrerapenak eta erronkak" izeneko jardunaldian.

 

Bertan zera esan zuen:

• Desgaitasuna duten pertsonen ordezkaritza

eta parte-hartze handiagoa lortu behar dela justizian.

• Estatuek ziurtatu behar dutela desgaitasuna duten pertsonek

justizian gainerakoen baldintza berak izango dituztela.

 

Hau dena ezinbestekoa da

Gobernuek herritar guztientzat eskubide berberak

ziurtatu behar dituztelako

eta lege eta arauen aurrean ere,

herritar guztiok berdinak garelako.

 

Errealitatean, oraindik ere, desgaitasuna duten pertsonek

ez dituzte gainerako herritarren eskubide berberak.

Beraz, Eusko Jaurlaritzak lanean jarraituko du

oraindik dauden oztopoak kentzeko,

denek eskubide eta aukera berberak izan ditzagun

eta justiziarako sarbidea izan dezagun.

Artículos Periodísticos

"Ez da gauza bera desgaitasunarekin jaiotzea, edota  bat-batean desgaitasuna duzula ohartzea"

"Ez da gauza bera desgaitasunarekin jaiotzea, edota bat-batean desgaitasuna duzula ohartzea"

Ainara Arregi

24 urte zituela auto-istripu larria izan zuen Ainhoa Elorriagak eta ondorioz, hartutako kalte zerebrala dauka. Egoera horrek bultzaturik, "Ganas de vivir" liburua idatzi zuen 2022an, urte guzti hauetan bizimodua nola aldatu zaion jasotzen duena.

Opinión

Alzheimerra, lehentasun soziosanitarioa

Alzheimerra, lehentasun soziosanitarioa

Koldo Aulestia

Alzheimerrari heltzea osasun publikoaren lehentasuna eta lehen mailako arazo soziosanitarioa da. XXI. mendeko epidemia isil handia bihurtu da, eta edozein sistema soziosanitarioen iraunkortasunerako erronka handia.