es
eu

AITZIBER GARMENDIA: “Arimaz ni baino gazteago diren 80 urteko batzuk ezagutzen ditut!”

Saioa Baleztena

EITBko ‘Batek daki’ umorezko saioko aurkezlea da eta ‘Gure kasa’ saioan Zuriñe gorpuzten du Aitziber Garmendia (1982, Zaldibia) aktoreak. Telebista platotik atera eta GIZADIBERRIren orrietara ekarri dugu gizarte gaiez hitz egitera.  

Hasteko, zer da zuretzat edadismoa?

Egia esan behar badizut, kontzeptua entzuten dudan lehen aldia da!

Sekula pentsatu duzu nolakoa izango zaren zahartzaroan?

Jarreraz eta izaeraz orain bezalakoa espero dut. Itxura izan dadila aldatuko den bakarra, ilea zurituko zait eta zimurrek azala ebakiko didate, gorputzak bere bidea jarraituko du, grabitate indarrak ere egin dezala egin beharrekoa. Edertasun hori ere pozik erakutsiko dut.

Zer deritzozu komunikabideek eta orohar gizarteak, sarri, adineko jendearen inguruan indartzen dituen estereotipoen inguruan?

Ez naiz jende guztia zaku berean sartzearen aldekoa izan sekula, eta adineko jendearekin ere gauza bera uste dut, mota guztietakoak daude, gazteak ere ez dira denak berdinak ezta? Arimaz ni baino gazteago diren 80 urteko batzuk ezagutzen ditut!

Nola ikusten dituzu Euskadiko Gizarte Zerbitzuak? Zer falta zaie, eta zertan dira bereizgarriak?

Orokorrean ondo dabiltzala esango nuke. Tramite eta kudeaketa prozesu batzuetan erraztasunak ematea falta zaiela esan nezake, agian. Baina hor ere ezin da estereotipoetatik tira egin eta denetik aurkitu dudala esan dezaket.

Tira, ez gaitezen hain serio jarri. Umorea duzu bidelagun, zenbateraino da garrantzitsua zuretzat umorea egunerokoan?

Niretzat bizitza-filosofia bat da. Gerora nire ofizio bihurtu bada ere, txikitatik izan dut umorerako joera nabarmena. Edozein egoeratan laguntzen duen ikuspegia da umorea. Bizitzari begiratzeko modu bat da, umorerik gabe ez nintzateke ni izango.

Amaitzeko, edadismoaz jardun dugu ale honetan. Adinkeriari buruzko ‘Batek daki’ saioko gidoia osatu beharko bazenu, nor aukeratuko zenuke protagonista?

Nire amona Juanita. Gaur egun 83 urte ditu. Gugandik zenbat egin duen ez daki oraindik. Emakume ekintzailea izan da beti, feminismoa zer zen ez zekienean ere, feminista zen. 1936ko uztailaren 18an jaio zen, Gerra Zibila hasi zen egunean, horrek badu zerikusia bere izaera borrokalarian. Nire bizimodua eta berea oso ezberdinak izan dira, eta harrigarria da nire edozein erabaki edo aukera ulertzeko, onartzeko, errespetatzeko eta ospatzeko duen gaitasuna. Belaunaldi ezberdinetakoak gara eta nire pareko sentitzen dut beti, nire adineko asko baino gertuago.

Artículos Periodísticos

Nekane Zinkunegi: “Ulergaitza egiten zait zakurra duten herritarrek hura ateratzeko aukera izatea eta haur txikiak dituztenak etxean itxita egotea”

Nekane Zinkunegi: “Ulergaitza egiten zait zakurra duten herritarrek hura ateratzeko aukera izatea eta haur txikiak dituztenak etxean itxita egotea”

Saioa Baleztena

Espainiako Osasun Ministerioak emakume haurdunak arrisku taldean sartzen dituen arren, iturri desberdinek ziurtatzen dute koronabirusak ez duela ez plazenta zeharkatzen. Baina, nola eragiten du konfinamenduak haurdunaldian? Aldaketarik al dago erditzear dauden emakumeen jarraipenean? Koronabirusaren eztandak haurdunaldiaren azken txanpan harrapatu du Nekane Zinkunegi Barandiaran kazetaria.

Opinión

Konfinamenduaren 5 aurpegi

Konfinamenduaren 5 aurpegi

Saioa Baleztena

2020ko martxoaren 14ean, koronabirusaren aurkako neurri gisa, alarma egoera ezarri zenetik, herritarrek mugatua dugu etxetik irtetzea, eta, ohiko bizimodua egitea. Izan ere, ezein neurri beharrezkoa da, gaitza eten, eta, ahalik eta kutsatu gutxien egon dadin.  Egunez egun, goraka doan kutsatu eta hildakoen kopurua: Euskal Herrian, ehunka pertsona hil, eta, milaka dira koronabirus gaitzarekin kutsatu direnak.