es
eu

Kuxinak josten gozatu duen amama

Jon Intxaurraga

Primitiva Garcíak 82 urte ditu eta duela batzuk Abadiñon bizi da "bakarrik". Izatez Aranda de Duerokoa da, Burgosekoa. Bertan ez zegoen bizimodua ateratzeko modu handirik, eta ezkontzerakoan, Legazpira joan zen, senarrak Patricio Etxeberrian lana lortu zuelako. Hura hil ostean mugitu zen Bizkaira, bertan bizi zelako hurbilen zegoen alaba. Elkarrengandik hur-hur daude egun eta horri esker elkarri lagundu diote pandemian zehar. Primitivak erosketak bidali eta alabak ekarri egiten dizkio. Alabak arropa eraman eta Primitivak lisatu egiten dio. Gainera, egunero elkartzeko aukera daukate sei baino gutxiago direlako.

Adinagatik ez da beldur izan, ezta alaba COVID19ak jota gaixorik egon zenean ere. Iazko martxoan gertatu zen, pandemiaren hasieran, eta egunero bitan bisitan joaten zitzaion arren, ez zen kutsatu. Hala eta guztiz ere, makal dago, indarge; gogo handirik gabe. Oso pertsona aktiboa zen eta egun batetik bestera kirola, bilerak edota gimnasia utzi behar izan zituen etxean geratu behar ginelako. Triste egon da eta arduratuta lagunekin kontaktua galdu duelako. Urte gutxi darama Abadiñon eta ez du loturarik estutzeko astirik izan. Lehen mokadu bat hartzeko geratzen ziren edota meza ostean zeozer egiten zuten, orain nor bere etxera joaten da, ordea. Paseoak bakarrik ematen ditu eta kalean bai batzen dira; elkar agurtzen dute, baina ez da lehengo kontua.

Egoera ez da atsegina inorentzat, baina Primitivak buelta ematen asmatu du. Etxeko lanak egiteaz gain, telebista eta bere "zereginekin" entretenitu da azken urtean. Jostun aparta da eta kuxinak egiten bereziki gozatu du. Bederatzi biloba ditu eta bakoitzari bana oparitu nahi dio. Oraindik bi falta zaizkio eta horiek egin arte ez du etsiko. Oihalekin harilkatzen ditu, patchwork erara, eta estilo ezberdinekoak dira, batzuek marrazkiak dituzte, besteek kateak… Gainera, azken hilabeteetan gimnasian izena eman du berriz. Parke osasungarrietara joaten dira astean behin. Bertan, oreka, koordinazioa edota indarra lantzeko makinak dituzte. Ariketak prestatzen laguntzen dien begirale bat dute eta mediku azterketa egin diote. Sasoiz helduko dio datorrenari, txertatuta dagoelako, batez ere, "gaitza heltzen bada, heldu zaigu, baina lasai nago". 

Artículos Periodísticos

Felix Arrieta: "Pandemiak egonkortu egin du 3 ereduen adibidea erabakiak hartzerako orduan"

Felix Arrieta: "Pandemiak egonkortu egin du 3 ereduen adibidea erabakiak hartzerako orduan"

Ainara Arregi

Felix Arrieta (Donostia, 1982) Deustuko Unibertsitateko Gizarte Laneko Departamentuko irakaslea eta politologoa elkarrizketatu dugu, bere ustez, pandemiak gizarte zerbitzuetan nolako eragina izan duen konta diezagun. Elkarrizketarako, 2019an kaleratu zuen El archipiélago del bienestar. Los servicios sociales en el País Vasco (Ongizatearen artxipelagoa.

Opinión

Alzheimerra, lehentasun soziosanitarioa

Alzheimerra, lehentasun soziosanitarioa

Koldo Aulestia

Alzheimerrari heltzea osasun publikoaren lehentasuna eta lehen mailako arazo soziosanitarioa da. XXI. mendeko epidemia isil handia bihurtu da, eta edozein sistema soziosanitarioen iraunkortasunerako erronka handia.